Meghalaya CM-in ṭhalaite thuam chak a pawimawh tih a sawi

Meghalaya chief minister Conrad K Sangma chuan state leh rampum huapa kawng hrang hranga hmasawnna nei tur chuan ṭhalaite thuam chak a pawimawh thu a sawi.

Shillong-a Independence Day lawmnaa thu a sawiah, Chief Minister Sangma chuan hna thawh nei lo, unemployment chu state leh ram pumin a buaipui mek a ni tih sawiin, hnathawh tur zawngte tan sorkarin hna a siamsak vek thei lo a, hei vang hian entrepreneur-te chu ṭhalai tana hna siamtu an nih a ṭul thu a sawi.

Meghalaya sorkar chuan state chhunga ṭhalaite chu eizawnna atana an hman theih turin thiamthil hrang hrangah training te a pe ṭhin a ni, tiin CM chuan a sawi bawk.