Manipur-ah I-Day lawmna tihbuai tum mi 7 man
Manipur-ah Independence Day lawmna tihbuai tum nia sawi, People's Liberation Army (PLA) pawl member pasarih man an nih thu police-ten an sawi.
Inrinni liam ta khan Assam Rifles-te chuan Independence Day lawmna neih laiin helhoin sorkar hmun pawimawh leh security force-te beih an tum tih thu an dawng a, hemi hnu hian Thoubal district police leh 16 Assam Rifles joint team chuan Yaripok Bazaar an dap nghal tih Thoubal district SP H Jogeshchandra chuan a sawi. Hei bakah Imphal East, Imphal West, Kakching leh Thoubal district-a hmun eng emaw zat dapin, hel pararih bakah an ralthuam kawl, 9 mm pistol leh magazine, Berreta pistol leh magazine, 9mm round 35 bakah hand grenade pahnih an mansak bawk.
Thu an zawhfiahnaah, an mi mante hi kumin June leh July thlaa Kakching leh Andro Huikap-a mi pahnih thahnaah an inhnamhnawih tih hriat a nih thu SP chuan a sawi.