Meghalaya-ah hri vanga thi mi pahnih awm belh

Meghalaya state-ah nimin zing khan Covid-19 vangin mi pahnih an thih belh leh a, he hri vanga thi hi mi pali an awm ta a ni. Hripui vanga thite hi BSF official pakhat leh civil mi pakhat an ni. 

Hri kai pahnihte hi NEIGRIHMS hospital-a enkawl an ni. NEIGRIHMS director Dr P Bhattacharya chuan civil mi zawk hi natna benvawn nei sa, kar thum dawn damdawiina enkawl tawh a nih thu a sawi. 

Meghalaya-ah hian Inrinni khan hri kai hmuh thar mi 15 awm lehin, hri kai enkawl mek hi mi 367 an awm. Hri kai hmuh chhuah tawh hi an vaiin 403 an tling tawh a,  enkawl dam tawh mi 49 an awm tawh thung. Director of Health Services Dr Aman War chuan hri kai mek zinga 314 chu East Khasi Hills ami niin, an zingah hian BSF 240 an tel a, BSF  ni lo armed forces dang ami 14 an tel bawk tih a sawi.