AP-ah lockdown pawtsei
Arunachal Pradesh sorkar chuan Itanagar Capital Complex Region bikah August 3 thleng atan hripui leng vanga lockdown a puan chu a pawtsei.
Chief secretary Naresh Kumar chuan kar hnih liam ta ṭang khan khawpui huam chhung bikah hian hri kai an pun belh zel avangin lockdown hi pawhsei a nih thu a sawi. AP-ah hian hri kai hmuh chhuah tawh 650 tling tawhin, an zinga 274 chu enkawl dam an ni tawh. Mi pathumin thihpui tawhin, hri kai mek 373 an la awm.
Tripur-ah Covid-19 vangin mi pahnih thi
Tripura-ah Inrinni liam ta khan Covid-19 kai pahnih an thi a, an state-a he hri vanga thi hi paruk an awm tawh a ni. Hri vanga thi zinga pakhat hi Covid-19 a kai tih a inhriat hnuah a intihlum a ni. State chhunga hri kai hmuh chhuah tawh hi 2,666 tling tawhin, an zinga 1,735 chu enkawl dam an ni tawh. Enkawl mek hi mi 914 an awm a ni.