AP, Assam leh Sikkim-ah ruah a sur dawn

Hmarchhak state Assam, Arunachal Pradesh leh Sikkim-ahte ruah nasa tak a sur dawn nia tarlan a ni.

Khawchin hrilhlawktute chuan ruah sur avang hian heng state-ahte hian chhiatna a thleng thei niin an sawi a, mipuite chu fimkhur turin an chah. Ruah hi tun hnai ni thum emaw ni li emaw chhung velin a sur dawn nia tarlan a ni. Assam hian tuilian nasa tak a tawrh mek avangin he hrilhlawkna hi chanchin duhawm loh tak a ni thei a, chutih rualin inralrinna ṭha taka ni thei bawk. Ruah hi a sur a nih chuan Brahmaputra leh lui lian dang eng emaw zat chuan mipuite tan harsatna an thlen belh ngei dawn niin a lang. Assam-ah hian district 15 velin tuilian avangin harsatna an la tawk mek a, harsatna tawk hi mi nuai thum vel an la thling a ni.

Khawchin hrilhlawktute chuan Arunachal Pradesh-ah hian July 9-11 chhungin ruah nasa tak a sur mai thei tih an sawi a, hei hian Siang leh lui dangte a tihlen belh a hlauhawm tih an tarlang. Sikkim-ah pawh hetih hun chhung vek hian ruah nasa tak a sur dawn nia tarlan a ni .