TN sorkarin Naga Patients House sakna tur hmun pe

Tamil Nadu sorkar chuan Nagaland sorkar hnenah Vellore-ah Naga Patients House sakna tur ram square feet 10,000-a zau a thlawnin a pe.

Nagaland chief minister Neiphiu Rio chuan Tamil Nadu sorkarin Vellore CMC pantu, damlo kalte awmna tur in sakna tur atana ram a thlawna a pek thu hi Independence Day lawmnaa thu a sawinaah a sawilang a ni. Kuminah in sak hna hi ṭan nghal a ni dawn tih a sawi bawk.

Chief Minister Rio chuan Shillong-a Naga Patients House pawh kuminah sak tum a ni tih sawi bawkin, Meghalaya sorkar chuan in sakna tur hian ram acre 2.4 zau a pe bawk a ni. He hmun hi North Eastern Indira Gandhi Regional Institute of Health and Medical Sciences (NEIGRIHMS) aṭanga meter 500 chauha hla a ni tih a sawi.

Dibrugarh, Assam-a Naga Patients House sak mek chu thla thum chhunga zawhfel hman beisei a nih thu Nagaland CM chuan a sawi.