2026-ah Assam-in Anganwadi centre 15,000 neih hman tum

Assam chief minister Himanta Biswa Sarma chuan an state chhung hmun hrang hranga Model Anganwadi Centre 1,000 dawn chu Pathianni khan a hawng a, kum 2026-ah chuan Anganwadi centre hi 15,000 neih hman an tum tih a sawi.

Palasbari assembly biala hun a hmanah, Chief Minister chuan model Anganwadi centre hawnte chuan state chhung hmun hla leh kilkhawr zawka nu leh paten an fate tana beiseina an neihte a tihhlawtlinsak thei dawn a ni, a ti. Anganwadi-te chu naupangte taksa leh rilru zirtirna bul a ni tiin, zirna sang zawk an hmachhawn zelna tura tan naupangte a lo buatsaih a ni, a ti. State chhungah Anganwadi system hmasawn pui zelna turin infrastructure neih ṭhat chu a pawimawh hle tih a sawi bawk.

Chief Minsiter hian “Adopt an Anganwadi” portal a hawng nghal bawk a, hei hi philanthropists, non-governmental organisation leh midangten Anganwadi centre sum mamawhte an lo tumsak ve theihna tura platform a ni.