Assam-ah saiin mi 3 an chil hlum

Assam-a Meghalaya state ramri bul, Goalpara district-a Kurang khuaah Thawhṭanni zing khan sai sualin khawchhung mite an bei, mi pathum an thi. Thi zingah hian naupang pakhat a tel.

Forest official-te sawi danin, sai rual hi Meghalaya lam aṭangin ei tur zawngin khawchhungah hian an lut a, sai an hmuh hian mipuite chu an tlanchhia a, mahse vanduaithlak takin mi pathumte erawh sai rual hmaah an tlan lut a, an lo chil hlum a ni. A hnuah sai rualte hi ramhnuai lamah an tlan kir leh a ni.

Khawchhung mite chuan sai rual hi an bial chhungah an kal fo a, thil pawh an tichhe fo ṭhin niin an sawi. Police-te chuan thla ruk liam taah khan he khuaah vek hian sai beihna avangin mi pakhat a lo thi tawh bawk tih an sawi. Tualchhung mite chuan sai rualin khawchhung an beih ṭhin venna turin sorkar chu hma la a, khaw chheh velah elephant buffer zone-ah puang turin an lo ngen tawh bawk.