AP-a leiminah chhungkaw khata mi 14 an thi

Arunachal Pradesh-a Laptap khuah leimin rapthlak tak a thleng a, chhungkaw khata mi 14-te chu an chenna-in leiminin a hnawl avangin an thi. Vanduaina thlenna hi Papum Pare district a ni a, Chief Minister Pema Khandu chuan a tlawh nghal a ni. CM Khan­du chuan vanduaina tawkte chu a lainat takzet tih sawiin, nunna chan chhungte chu state sorkar chuan zángnadawmnna a pe dawn tih a sawi. CM hian chhiat tawk chhung­kuate chu an intunnunna turin cheng nuai 10 ṭheuh a pe a, ama pualin cheng nuai 30 a hlan bawk.

Lemin avanga chhiat tawkte chhawmdawl hna hi National Disaster Response Force (NDRF)-te chuan an thawk mek a, leimin hian chhungkaw pariat chenna-in a hnawl a ni. Chenna neilote awm lailawkna tur ruahman a ni a, an ei leh in tur pawh state sorkar chuan a ngaihtuah sak vek a ni. Thawhlehni khan lei hi a min a, ruahsur avangin chhanchhuah hna thawh chak theih a nih loh thu tarlan a ni.