India-Bangladesh border talk nei mek

India leh Bangladesh palaiten ni li awh border chungchanga inbiakna an neih chu Nolaini khan Mehghalaya-ah ṭan a ni a, vawiin hian a tawp ang.

Inbiakna neihah hian ram pahnih aiawhte chuan dan loa ramri kan ṭhin chungchang te, ramri kana ralthuam leh ruihhlo tawlhrukna thleng ṭhin te an sawiho a ni. Ram pahnih aiawhte chuan dan loa ramri kan tumte thah an ni ṭhin chu pawi an tih thu an sawi a, ramri kana ralthuam tawlhrukna thleng ṭhin pawh tihtawp an duh thu an sawi. Heng bakah hian Bangladesh aṭanga dan loa bawng tawlh­rukna awm ṭhin chu an ngaimawh thu an sawi bawk.

Border Guards Bang­ladesh (BGB) aiawh mi 23-te chu Additional Director General M. Zahid Hasan-a'n a ho a, Indian Border Security Force aiawhte nen inbiakna hi an nei a ni. India-Bangladesh border thui zawng hi km 4,096 zet a ni a, ramri kana pawikhawihna thleng ṭhin veng turin ram pahnihte hian inbiakna an lo nei fo tawh a ni.