Guwahati Airport-ah international flight chhunzawm dawn

Guwahati-a Lokpriya Gopinath Bordoloi International Airport chuan Covid-19 hri leng vanga hun rei tak a tihtawp hnuah, September 3, 2022 aṭangin international passenger flight service a chhunzawm leh tawh dawn.

Bhutan national airline, Druk Air chuan Guwahati-a service a chhunzawm tawh dawn a ni. Druk Air chauh hi Guwahati-a international carrier service a la ni rih. Hri leng vanga kum hnih chhung service tihtawp a nih hnuah, tun hnaiah Bhutan hian international border-te hawngin, Druk Air pawhin service a chhunzawm leh thei dawn ta a ni.

Druk Air hi Guwahati - Singapore-a Changi Airport inkarah a service a, kar khatah ni hnih a service ang. An aircraft, Airbus-319 ah hian seat 100 chuang a awm a ni.

Udaan scheme hnuaiah Assam aṭang hian international destination dang panga a nei thei dawn a, heng zingah hian Myanmar, Nepal leh Bangladesh pawh an tel.