Nagaland Rural Bank aṭangin self-help group 75-in Rs vbc 1.31 dawng

Nagaland Rural Bank chuan Nagaland State Rural Livelihoods Mission (NSRLM) hnuaiah state chhunga self-help group (SHG) 75-te hnenah loan, Rs vaibelchhe 1.31 a pe chhuak.

Chief minister Neiphiu Rio chuan Kohima-a Secretariat Plaza-ah cheque hi NSRLM-SHG te hnenah a hlan.

Bank loan hi SGH-ten sum tam zawk an lakluh theihna turin a puih thei dawn a, hei bakah sorkar laipuiin SHG hmeichhiate kum khatah Rs nuai 1 tal an lakluh theihna tur, “Lakhpati SHG Women" a kalpuinaah pawh a pui thei dawn a ni. Nagaland-a rural area-a cheng hmeichhiate thuam chakna turin bank credit pawh hi kumtin pek tum a ni.