Tripura Police headquarters-a file bo chungchang chhui chian phut

Tripura police headquarters aṭanga file tam tham tak rukbo a nih chungchang chu chhui chian an phut thu Congress party chuan a sawi.

Tripura Congress MLA Sudip Roy Barman chuan heng file bo nia sawite hi an state-a rorellai BJP hruaitute thawhpui, police officer ṭhenkhatin an la bo zawk niin a puh. "File 20-25 vel rukbote hi BJP hruaitu ṭhenkhat ruihhlo tawlhruk chungchang record leh evidence awmna te an ni," a ti. Hei bakah file rukbo ṭhenkhat chu TRS recruitment scam kaihhnawih thil a ni tih a sawi bawk.

BJP chuan lung pakhata sava pahnih vawm thlak an tum nia sawiin, Barman chuan, "CM Manik Saha chu home ministry chang tlak loa lantir an tum a, hemi rual hian BJP hruaitu eirukna leh thil dik lo tihnaa inhnamhnawihte chu chhui theih lo tura siam an tum bawk a ni," a ti. He thil thleng chungchangah CM chu judicial inquiry neih tura thupek tichhuak turin an phut tih Congress hruaitu chuan a sawi a ni.