Rajnath Singh-a'n Manipur-a AR headquarters a tlawh

Union defence minister Rajnath Singh chuan kar liam ta Zirtawpni khan Manipur-ah a zin a, Imphal-a Assam Rifles (South) headquarters tlawhin, Red Shield Division leh Assam Rifles sipaite nen hun an hmang ho a ni.

Defence Minister Singh hi Chief of Army Staff general Manoj Pande, GOC-in-C Eastern Command Lieutenant General RP Kalita, GOC Spear Corps Lieutenant General RC Tiwari leh Army leh AR-a senior officer-ten an ṭawiawm.

Rajnath Singh hnenah hian counter-insurgency leh, Indo-Myanmar border-a border management operation kalpui a nih dante hrilh a ni. Minister chuan sipaite chu huaisen taka hmun chhengchhe tak taka duty a, Manipur leh India himna tura a inpekna avangin fakin, Indian Army leh Assam Rifles sipaite bula a awm thei chu a tan pawh inchhuanna tham a ni, a ti.