Assam sorkarin Inter-State Check Gate khar dawn

Sorkar thuchhuah chuan check gate khar a nih tur chhan sawiin, state dang aṭanga bungraw lakluhte man tlawm zawka zawrh a nih theih nana ruahmana nih thu a sawi. Assam finance minister Himanta Biswa Sarma chuan, Goods and Services Tax (GST) hman a nih tak vangin item eng emaw zat chu a hma aiin a man a to tih a sawi a, hetih rual hian man tlawm zawka bungraw ṭhenkhat hralh chhuah a nih theih nan check gate hi khar turin thutlukna siam a ni, a ti. Hei hian state sorkarin chhiah a hmuh ṭhin te a nghawng dawn tih sawiin, Excise leh Transport Deparment-te chhiah hmuh ṭhin pawh a tlahniam dawn tih a sawi. Assam State Agricultural Marketing Board chuan check gate khar hi an tuar ber dawn a ni, a ti. Hetih rual hian he thutlukna hian mipuite harsatna nasa takin a chhawk zangkhai thei dawn tih a sawi bawk.