Sorkar laipuiin AP leh Nagaland-a chhiat tawkte ṭanpui dawn

Sorkar laipui chuan Thawhlehni khan Arunachal Pradesh leh Nagaland-a tuilian avanga chhiat tawkte ṭanpuina turin cheng vaibel­chhe 131.90 a pawm.

Sorkar laipui hian Arunachal-a tuilian avanga chhiat tawkte tan cheng vaibelchhe 103.30 a rua­hman a, Nagaland tan vai­­belchhe 28.60 pek a remti bawk. Union Home Minis­ter Rajnath Singh-a kaihhruainain Thawhlehni khan New Delhi-ah high-level meeting neih a ni a, hetah hian ṭanpuina tur sum ruahman hi pawm a ni. Home Ministry chuan kum 2016-17 chhunga state pahniha chhiat tawkte ṭanpuina tura sum ruahman chu pawm a nih thu hi a puang a ni. Ṭanpuina sum hi National Disaster Relief Fund (NDRF) leh National Rural Drinking Water Programme (NRDWP) fund aṭanga pek a ni ang.

High-level meeting-ah hian Union Finance Mi­nister Arun Jaitley, Minis­ter for Agriculture and Farmers’ Welfare Radha Mohan Singh, Union Home Secretary Rajiv Mehrishi leh Home Ministry-a mi pawimawhte an tel a ni.