Manipur-ah rangkachak vbch 2 hu man

Assam Rifle-te chuan tun hnai khan Manipur-ah rangkachak kg 9.63 an man a, hei hi cheng vaibelchhe hnih hu vel nia tarlan a ni.

Rangkachak hi Inter­national Border bul Moreh khuaah man a ni a, a kawltu mi pahnihte pawh hren zui nghal an ni. Customs Superintendent W. Luwang chuan man zinga pakhat Samir Khan chu international smuggling gang member a nih thu a sawi. Assam Rifle-te chuan heng rangkachak te hi Trans Asian Highway-ah man a nih thu an sawi a, helai hmunah hian ruihhlo leh ralthuam tawlhruk pawh a hluar hle tih an sawi.