Sorkar leh UNC aiawhte vawiinah inbe dawn
Sorkar laipui, Manipur sorkar leh United Naga Council (UNC)-te chuan district chungchangah vawiin hian Senapati district-ah inbiakna an nei dawn.
UNC-te hian Manipur sorkar-in Naga-te chenna district-a a hlangkai chu duh loin nasa takin an dodal a, nikum November 1 aṭanga kumin March thla thleng khan National Highway an dang chat a ni. Sorkar laipui leh MAnipur sorkar aiawhte chuan UNC-te hi inbiakna an lo neihpui fo tawh a, inremna erawh siam a la ni lo. UNC-te chuan district te hi hnuhkir leh an phut a, mahse Manipur chief minister chuan kaltlangpui a nih tur thu a lo sawi tawh thung.
May 19 khan Senapati District-ah hian inbiakna neih a lo ni tawh a, inrem lailawkna thuthlung ziah a lo ni tawh. Mahse UNC-te chuan sorkar chu a intiam anga awm loah puhin, inbiakna neih leh hun tura ruat bawhpelhah an puh bawk a ni.