Sikkim Assembly Speaker atan Arun Upreti thlang

Sikkim Legislative Assembly Speaker thar atan Arun Kumar Upreti thlan a ni.

Gangtok district-a Arithang constituency bialtu MLA, Upreti hi Thawhṭanni khan Speaker atan thlan niin, hemi nia MLA awm 31 zinga 30 vote a hmu.

August 16 khan Speaker aṭangin LB Das a bang a, hei vang hian a thlaktu tur hi thlan niin, Upreti hi State Legislative Assembly Speaker 11-na a ni. Thlan tlin a nih hnua thu a sawiah, Upreti chuan chief minister Prem Singh Golay leh Assembly member-te chungah lawmthu a sawi. India Constitution humhalh chungah theihtawp chhuah a tiam a, House zahna vawnnun zel a tum tih a sawi.

Speaker atana thlan tlin a nih hnuah Thawhṭannia Assembly rorel inkhawm hi Upreti chuan a kaihruai nghal a ni.

Thawhṭannia Assembly rorel inkhawmah hian bill thar pathum leh amendment bill pakua pharh a ni. Bill tharte hi Sikkim Public Services Delivery (Right To Service) Bill 2022, Sikkim Registration and Licensing of Tourist Trade Bill 2022 leh Mahatma Gandhi University Sikkim Bill 2022-te an ni a, nimin khan heng bill pharhte hi sawiho niin, vote lak a ni ang.