Meghalaya-ah ni nga chhungin bawng tawlhruk 276 man
Border Security Force (BSF)-te chuan tun hnai ni nga chhungin, Bangladesh aṭanga dan loa bawng tawlh ruk 276 zet chu Meghalaya-ah man a nih thu an sawi.
BSF-te chuan bawng tawlh ruk te hi Indo-Bangladesh border aṭanga Meghalaya-ah lakluh a nih thu an sawi a, hetih rual hian a tawlhrutu man an la awm lo tih an sawi. Bawng tawlhrutute hi ramngawah an bikbo ṭhin avangin man an harsa hle tih an sawi. Bawng tawlh ruk an man 276 hlut zawng hi cheng nuai 49 man hu vel hu a nih thu an sawi a, East Khasi Hills district, South West Garo Hills, West Khasi Hills leh South Garo Hills district-te chu bawng tawlh ruk hluarna hmun a nih thu an sawi bawk.
Bawng tawlh rukna thleng ṭhin veng tur hian Bangladesh Border Guards leh BSF-te chuan inbiakna an lo nei tawh a, hma lak dan tur hrang hrang an sawiho a ni.