Sikkim sorkar leh IFFCO-ten MoU ziak

Khawvela fertilizer co­operative lian ber pawl, Indian Farmers Fertiliser Co­operative (IFFCO) leh Sikkim sorkar te chuan Thawh­ṭanni khan thawhhona thuthung, Memorandum of Understanding (MoU) an ziak.

Sikkim sorkar leh IFFCO-te'n inremna an siam ang chuan, ‘Sikkim IFFCO Organics Limited’ (Sikkim-IFFCO) din a ni ang a, organic lama hma­sawnna turin an thawkho ang. SIKKIM-IFFCO-ah hian IFFCO chuan thuneihna 51% an nei ang a, Sikkim sorkar chuan chanpual 49% a nei bawk ang. He project atan hian cheng vaibelchhe 200 ruahman a ni a, hei hi vaibelchhe 500 thlengin a pungchho thei dawn a ni. IFFCO hian agriculture lama sulsutu Aquagri Processing Private Ltd. te pawh an thawhpui dawn bawk a ni. An thawhdunna atan hian tun hnai khan Minister of Science and Technology Harsh Vardhan chuan ‘SAGARIKA’ a lo tlangzarh tawh bawk.