Palm Oil plantation siam turin Godrej Agrovet-in hmarchhak state 3 MoU ziahpui

Godrej Agrovet chuan hmarchhak state pathum - Assam, Manipur leh Tripura sorkar chu palm oil plantation siamna tura thawhpui turin inremna a ziahpui.

Thawhlehni khan memorandum of understanding (MoU) hi National Mission on Edible Oils-Oil Palm scheme hnuaiah an ziak a ni.

Company chuan an thawhhona hmangin heng state pathumah hian oil palm plantation siamna kawngah hun ṭha leh hmasawnna nasa zawk a thlena, loneitute pawhin an chhawr ṭangkai ngei an beisei thu a sawi.

Godrej Agrovet hi ram chhungah oil palm tam zawk tharchhuah a, loneitute sum lakluh pawh a leta a pun theihna turin hma a la a, ram chhunga state hrang hrangah an company enkawlna hnuaiah palm oil plantation hi hectare 65,000 vela zau a awm tawh a, hei hi hectare nuai khatah tihpun an tum a ni. Oil palm mill paruk a nei mek bawk.