Shillong Cherry Blossom Festival-in award 3 dawng

Jio World Convention Centre, Mumbai-a Wow Awards Asia 2022 neih zawh takah, Shillong-a Cherry Blossom Festival 2021 buatsaih khan award pathum a dawng.

WOW Awards Asia hi Asia leh Middle East-a event hrang hrang huaihawtte aṭangin hlan a ni. Panel of judge-ah hian khawvel ram hrang hranga industry professional langsar tak tak an tel.

Kum 2020 khan hri leng vanga ṭhulh a nih hnuah 2021-ah Shillong Cherry Blossom Festival hi neih a ni a, he festival hi khawvel ram hrang hrang aṭangin chhimtu eng emaw zat an awm. Hetiang lam festival-ah chuan Japan-a cherry blossom festival dawttu angah ngaih a ni pha hial.

Shillong Cherry Blossom Festival 2021 hian Festival of the Year-Art/Culture/Lifestyle (Gold), Best Tourism Event (Gold) leh Concert of the year (Silver) award a dawng a ni.