Assam-in tuilian tuarte ṭanpui nan vbch 2,939 beisei
Assam sorkar chuan an state chhunga tuailian tuarte ṭanpuina turin sorkar laipui aṭangin ṭanpuina cheng vaibelchhe 2,939 a beisei.
Tuilian avanga chhiatna hrang hrang thlengte en thlithlai tur hian inter-ministerial team-te chuan Thawhṭanni khan Assam an thleng. State Chief Secretary V.K. Pipersenia chuan team-te hian hmun hrang hranga chhiatna thleng an en thlithlai dawn a, sorkar laipuiah report an thehlut leh dawn a ni,a ti. Endiktute hi July 28 thleng an cham dawn a, an cham chhung hian Biswanath, Lakhimpur, Majuli, Barpeta, Cachar, Hailakandi leh Karimganj district-te an tlawh dawn a ni. Central team-te hi Home Ministry Joint Secretary V. Shashank Shekhar chuan a ho a ni.