Nagaland CM-in minister te hna chanpual a puang

Nagaland Chief Minister T.R. Zeliang chuan a cabinet minister te hna chanpual a puang ta a, finance, personnel and administrative reforms Department-te chu aman a enkawl dawn a ni.

TR Zeliang hian cabinet minister atan hian NPF legislator pakua leh, BJP legislator mi pahnihte chu a lo ruat tawh a, rinawmna thu tiam tir an nih hnuah lakluh an ni. MInister-te hna chanpual puan a nih rual hian chief minister aṭanga pailthlak tak Shurhozelie Liezietsu-a hun laia minister

ṭhenkhat chu an hna chanpual siksawi an ni ve lo. Minister Yanthungo Patton chuan HomeDeparement a enkawl zui leh dawn a, G. Kaito Aye (National Highway and Political Affairs) leh Kipili Sangtam (Power Deparment) te chuan an hnachan ngai an chang dawn a ni. Bharatiya Janata Party (BJP) cabinet minister pahnih - Mmhonlumo Kikon leh Imtilemba Sangtam-te chuan Geology and Mining, Border Affairs and Cooperation, Relief and Rehabilitation leh MARCOFED-te an enkawl dawn a ni.

Minister te deparment chan:

Chie Minister - Fianace, personnel and administrative reforms

Yanthungo Patton - Home Deparement

G. Kaito Aye - National Highway and Political Affairs

Kipili Sangtam - Power Deparment

E.E. Pangteang - Rural Development

Mmhonlumo Kikon - Geology and Mining, Border Affairs

Imtilemba Sangtam - Cooperation, Relief and Rehabilitation leh MARCOFED

Neikiesalie Nicky Kire - Roads and Bridges.

Kejong Chang - Horticulture, Do-Bhasi leh Gaon Bura Affairs

Neiba Kronu - Environment, Forest and Climate Change.

Imkong L. Imchen - Health and Family Welfare

Tokheho Yepthomi - School Education and Parliamentary Affairs-te a ni.

Hetihlai hian Naga People’s Front (NPF) chuan an party constitution bawhchhiaah puhin, MLA leh minister eng emaw zat chu an suspend a ni.

T.R Zeliang-a'n a cabinet minister atana a ruat zingah - Patton, Sangtam, Aye, Imchen leh Yepthomi-te chu party aṭanga suspend an ni a, chief minister Zelianga pawh NPF chuan suspend a nih thu an lo puang tawh a ni. NPF hian an party MLA zawng zawng deuh thaw an suspend deuh vek a, MLA pakhat chiah hrem lohin a awm a ni. Hemi chungchng hi NPF chuan Court-ah an thlen tur thu an lo sawi tawh bawk.

Chief Minister Zeliang-a chu NPF chuan kum ruk chhung atan an hrem a, an party president Liezietsu-a chief minister aṭanga paithlak a nih danah party kalphung kalha cheah an puh a ni. Zeliang hian July 21 khan Assembly House-ah sorkar thar din turin thlawptu an ngah tawk tih fiahin, floor test a paltlang a, a cabinet minister tur pawh a puang zui nghal a ni. Zeliang hi NPF MLA 36, BJP (4) leh Independent (7)-te chuan an thlawp a ni. Assembly member 60 zinga 47-te chuan Zeliang-a hi an thlawp a ni.