Tripura cabinet-in Agartala-Chittagong inkara thlawhtheihna service remti

Tripura cabinet chuan an state khawpui, Agaratala leh Bangladesh-a Chittagong inkara thlawhtheihna service a phalsak.

Minister Sushanta Chowdhury chuan chief minister Manik Saha kaihhruaia cabinet meeting chuan, Agartala-a MBB Airport leh Chittagong inkara thlawhtheihna thlawh tir a remtih thu leh, a chuan man hi mi pakhatah Rs 4,500 a nih tur thu a sawi.

Chowdhury chuan, " State sorkar chuan civil aviation ministry a biakrawn hnuah thlawhtheihna service hi a phalsak a ni. Thlan tur pahnih, Agartala-Dhaka route leh Agartala-Chittagong route min pe a, ngun taka kan sawiho hnuah Agartala-Chittagong route zawk hi kan thlang ta a ni," a ti. Kar khata ṭum thum service tir a ni dawn tih a sawi bawk.