Union Minister-in Imphal-Jiribam railway project enfiah

Union minister of state for railways and textiles Darshana Vikram Jardosh chuan Nilaini khan Manipur-a Imphal-Jiribam railway project thawh mek leh, hma sawn dante a hmunah a enfiah.

Minister Jardosh chuan Northeast Frontier Railway hnuaia Tupul-Imphal section railway line siam mek a endik thu leh, Jiribam-Imphal New Railway Line project chu zawhfel a nih hunah hmarchhak bial pum tan khualzin tam zawk an neih theihna tur leh, an economy thlengin a ṭhatpui tur thu a sawi.

Tupul-Imphal section Railway line siam hna thawk mektute pawh a kawm nghal bawk a ni.

Imphal-Jiribam railway project thawhna atan hian Rs vbc 14,322 ruahman a ni a, Manipur-a district panga a kaltlang dawn a, km 111-a thui niin station 11 a awm ang. Noney district-a Khumji bula pier bridge, meter 141-a sang siam mek a ni a, hei hi khawvela pier bridge sang ber a ni ang.