Sorkar laipuiin hmarchhak tlawh khapna dan ṭhenkhat hlips

Sorkar laipui chuan ram dang miten hmarchhak awlsam zawka an tlawh theihna turin khapna hman mek chu hlih a nih thu kar kalta Inrinni khan a puang.

Hetih rual hian Licensed Service Provider-te pawh ram dang khualzin te tana kawng zau zawka hawn sak turin a hriattir. Minister of State for Communications Manoj Sinha chuan hemi chungchang hi Assam Chief Minister Sarbananda Sonowal hnenah ziaka thlen a nih tawh thu a sawi. Sonowal hian kumin March thla khan Union Minister Sinha hnenah hian, ram dang khualzin ten awlsam zawka Assam leh hmarchhak state dang an tlawh theihna turin, khapna dan ṭhenkhat chu hlip turin a lo ngen tawh a ni. Assam CM chuan ram dang khualzin leh sumdawng ten hmarchhakah huang zauh an duh tih sawiin, mahse khapna eng emaw avangin duh angin an rawn lut tam thei lo niin a lo sawi tawh a ni.

Thupek chhuah a nih hnu hian Assam CM Sonowal chuan Union Minister hmalakna a fak thu a sawi a, hmarchhak tan kawng a hawn sak niin a sawi.