NPF-te'n Governor duh lohna lantir

Nagaland-a rorellai Naga People’s Front (NPF) party-a Youth Wing-te chuan Governor PB Acharya duh lohna lantirin poster campaign an huaihawt.

NPF thalaite chuan Governor PB Acharya chu ram danpui kalha cheah puhin, dan bu chhiar nawn leh tura an duh thu te ziakin an tar a ni. Poster hi Kohima khawpuia kawngpui leh hmun rem chang laiah te tar a ni a, Governor duh lohna thuziak ṭhahnem tak tar a ni. Governor bakah hian Chief Minister TR Zeliang leh Assembly Speaker Imtiwapang Aier duh lohna thu eng emaw zat tar a ni bawk a, Zeliang-a chu phatsantuah an puh a ni.