AP border-ah China-in helipad kawng a siam

China chuan Arunachal Pradesh-a India-China ramri, Line of Actual Control (LAC)-ah tunlai hian infrastructure a din mek nia sawi a ni.

China People's Liberation Army (PLA) chuan AP-a Anjaw district-a Chaglagam bulah helipad kawng siam hna chak takin a thawk mek nia sawi a ni a, he hmun an siamna lai hi Hadigara, Delta-6 niin report ṭhenkhat chuan an tarlang. Border-a China lamin hna thawhna thlalak hi social media lamah hmuh tur a awm bawk.

Kum 2021, November thla tir lam khan China chuan Arunachal Pradesh huam chinah in 60 vel a lo sa tawh bawk nia sawi a ni. Hemi kum vek December thla khan China chuan AP-a hmun 15 chu a hming a thlak bawk.

Border-a China hna thawh mekna hmun hi Chaglagam khua aṭang km 30 pawh tling lo nia sawi a ni a, thlalak aṭanga lan danin he hmunah hian PLA camp pawh a awm a ni. India sorkarin sawisel fo mah se, China hian ramri bul hnaiteah hian infrastructure project hi a thawk chhunzawm reng tho a ni.