Sikkim Speaker hlui minister atan lalut

Sikkim Legislative Assembly Speaker hlui, Lall Bahadur Das chu Ningani khan minister atan rinawmna thu tiamtira lakluh a ni.

Minister thar lakluh inkhawm hi Gangtok-a Raj Bhawan-a Ashirvad Hall-ah neih a ni a, governor Ganga Prasad-a'n rinawmna thu a tiamtir a ni. He hun hi chief minister PS Tamang, speaker Arun Upreti, deputy speaker Sangay Lepcha, cabinet minister, MLA , state MP leh palai dangten an telpui.

West Pendam constituency MLA, Das hi kum 2019-2022 chhung Sikkim speaker a ni a, minister-a dah a nih dawn avang hian August 16 khan Speaker a nihna aṭangin a bang a, a thlaktu atan Arun Upreti thlan a ni zui a ni.