Inbiakna nei turin Meghalaya-ah HNLC hruaitu 5 awm mek

Hynniewtrep National Liberation Council (HNLC) helpawl hruaitu panga chu sorkar nena inremna kawng zawnga inbiakna nei turin Meghalaya-ah an awm mek.

Hynniewtrep National Youth Front (HNYF) president Sadon K Blah chuan an pawl hruaitu panga - vice chairman Manbhalang Jyrwa, political secretary Aristerwell Thongni, foreign secretary Phrangkupar Diengdoh leh personal security officer pahnih Aiborlem Marbaniang leh Storgy Lyngdoh-te chu August 5 aṭang khan Meghalaya-ah an awm tih a sawi a, inbiakna neih tura sorkar aiawh PS Dkhar pawh an hmu tawh tih a sawi.

Meghalaya sorkar hian a hmain inbiakna neih a nih theihna atan sorkar laipui chuan HNLC hruaitute chu Meghalaya-a an luh alo remtihsak tawh niin a sawi.

Official-in inbiakna hi ṭan a la ni lo, HNLC lam pawh hian inremna siam tura an thil phutte pawh an la sawilang lo.