Modi-a'n Sports University sakna tur lungphum phum dawn

Manipur Chief Minister N. Biren Singh chuan Pathianni khan Imphal West district-a National Sports University sakna hmun tur a tlawh a, Sports University sakna tur lungphum phum tur hian Prime Minister Narendra a sawm thu a sawi.

National Sports University hi Koutru-ah sak a ni dawn a, a sakna tur lungphum hi August thla chhung hian phum a ni ang. Chief minister chuan Modi hnenah sawmna a thlen tawh thu sawiin, a phum hun tur erawh tihchian a la nih loh thu a sawi. Biren Singh chuan hun rei tak chhung a sakna hmun tur chungchanga an buaina chu an chingfel tawh tih sawiin, Koutru-ah sak a ni dawn a, ram buai awm pawh chinfel tawh a ni, a ti. University panna tur hian kawngpui km hniha thui sial a ngai dawn tih sawiin, helicopter ṭum hmun pawh siam a nih tur thu a sawi bawk.National Sports University hi hmarchhaka a hmasa ber tur a ni ang.