BJP President-in Assam tlawh

BJP national president JP Nadda chuan ni hnih chama Tripura a tlawh hnuah, nimin khan Assam a tlawh ve leh.

JP Nadda hian nimin chawhnu lam khan Tripura aṭangin Assam hi a thleng a, Guwahati-a party north east organisational head office chei ṭhat, 'Padma Bhawan' chu a hawng a, party worker-te hmaah thu a sawi bawk.

Padma Bhawan hawnna inkhawmah hian Assam, Arunachal Pradesh, Manipur leh Tripura chief minister-te bakah, hmarchhak state pariat BJP state unit president-te an tel. Nimin tlai khan Nadda hi Delhi lamah a kir leh nghal a ni.

Nadda hian Pathianni khan Tripura a thleng a, state chhunga an party dinhmunte enfiahin, party hruaitu hrang hrangte chu meeting a neihpui bawk. Hei bakah hian an party thawhpui, Indigeneous People's Front of Tripura (IPFT) hruaitute pawh a kawm bawk a ni.