Sikkim-in khawpui laili laia political event buatsaih khap

Sikkim sorkar chuan Urban Local Body hnuaiah khawpui hrang hranga khawpui laili lai leh, Class II bazar hmunahte politics thila punkhawmna siam a khap. Hei bakah hian mela leh fair pawh huaihawt a khap bawk.

State sorkar chuan thuchhuah siamin, khawpui laili laia punkhawmna buatsaih ṭhin hian mipui nunphung a tibuai a, bungruate a chhiat phah ṭhin bakah, khawpui mawina leh fainate a tihmelhem ṭhin a ni, a ti. Hemi rual hian sorkar hun pawimawh, Home Department lamin phalna a pekte erawh chu buatsaih theih a nih thu a sawi.