Italy dinhmunin ziaawm lam pan

Italy ramah pawh hri leng hian ziaawm lam a pan a, Italian Civil Protection Department chuan an rama hri leng zual lai chu a pel tawh niin a sawi. Inrinni khan coronavirus vanga thi mi 474 an awm belh leh a, he hri vanga thi hi mi 28,710 an awm tling tawh a ni. 

Vawiin aṭang hian hri leng vanga thla hnih chhung rampuma kharkhipna a kalpui mek chu thlahdul ṭan a ni dawn. Khuahkhirhna ṭhenkhat thlahdul a nih dawn vang hian inthlahdah nghal mai lo turin emergency commissioner Dome­nico Arcuri a ngen nghal a, chona hautak tak an la hmachhawn chho dawn tih a sawi. 

Khuahkhirhna ṭhen­khat thlahdul hnuai­ah hian Italy mite chu an awmna bial chhunga an chhungte an tlawh phalsak a ni a, sum­dawnna hmun ṭhen­khat pawh hawn phalsak a ni bawk ang.