North East Inter-College Debate Competition buatsaih dawn

Kum tina neih ṭhin North East India Inter College Debating Competition chu kuminah pawh neih leh a ni dawn.

Assam-a Sonapur College chuan Inter-College Debate Competition hi an huaihawt dawn a, August 24 aṭanga ṭan a ni ang. He hunah hian thupui atan “View that North East India is being exploited by the Central Government is factually incorrect” tih chu thlan a ni a, he huna tel tur hian hmarchhak state hrang hrangte chu sawm an ni. Lawmman pakhatna dawngtu hnenah Sinam Uriba Singh Memorial Prizes leh trophy hlan an ni ang a, a tiṭha zual hnenah lawmman pek an ni bawk ang. Mimal lawmman siam a ni dawn bawk a, che ṭha ber hnenah cheng 10,000 hlan a ni dawn a, pahnihna (Rs 7000) leh pathumna hnenah cheng 5,000 hlan a ni bawk ang. English daily newspaper lar, The Telegraph chuan he competition-a tiṭha te hnenah hian special prize a hlan dawn bawk a ni.