Garo-te'n Modi hnenah memorandum thehlut

Garo Hills State Move­ment Committee (GHSMC)-te chuan Me­gha­laya leh Assam-a Goro chengte thuneihna pakhat hnuaiah an awm theih nan, Garoland din an phut a, he an thil phut chungchangah hian Prime Minister Narendra Modi hnenah memorandum an thehlut.

GHSMC chuan, States Reorganisations Act, 1956-a tarlan a nih dan angin Garoland chu din ngei an phut tih an sawi. Hei hi Garo National Council (GNC) leh regional political party hrang hrangte pawhin an thlawp thu an sawi. An thil phut hi danin a phal thlap a nih thu leh, ram danpui Article 29 (1)-ah pawh tarlan anih thu an sawi. Prime Minister Modi pawhin an thil phut hi tihhlawhtlin sak a lo tiam tawh niin an sawi. Hei bakah hian Meghalaya Assembly-ah Garo National Council (GNC) hminga seat hauhsak ve an phut thu an sawi a, an thil phutte hi President Ram Nath Kovind leh Home Minister Rajnath Singh-te hnenah pawh an thlen tur thu a sawi bawk.

Hetih lai hian Megha­laya Assembly chuan March 18, 2014 khan Gora-te tana “Garoland” state din rawtna hi a lo hnawl tawh a ni.