Manipur-ah KNLF hotu that

Manipur-a Churachandpur District-ah Nilaini zan khan Kuki National Liberation Front (KNLF) general secretary Lalmoi Haokip chu mi tu tih hriat lohten beiin an that.

KNLF general secretary Lalmoi Haokip hi zan dar riat velah hand grenade leh firearm hmanga beih a ni a, a nupui Lalmoi pawhin hliam a tuar a ni. Lalmoi hi Hospital-ah dah luh nghal a ni a, a hliam hi enkawl nghal a ni. Hetih lai hian pawikhawihtute hi man chhuah an la ni lo a, police-te'n an chhuizui mek a ni. Sorkar chuan Kuki helte chu inbiakna neihpui tumin hma a la mek a, ruahman dan chuan inbiakna hi tun thla chhunga neih hman tura tih a ni. Chief Minister N Biren Singh chuan he thil thleng hi a dem thu a sawi a, sorkar hmalakna tihṭhuanawp an tum a ni, a ti.

KNLF hi Kuki hel pawl zinga mi a ni a, sorkar laipui leh Manipur sorkar-te chuan remna zawnga inbiakna neihpui tumin hma an la mek a ni. Tun dinhmunah Kuki hel hi pawl hrang hrang 20 vel zet an awm a, heng zingah hian United Peoples’ Front (UPF) leh Kuki National Organisation (KNO) pawh an tel a ni.