Assam-Tripura border-ah ganja Rs vbc 15 hu man

Assam-a Karimganj police-te chuan Assam-Tripura border bulah truck pakhat aṭangin ganja kg 4,728 an man. An ruihhlo man hi cheng vaibelchhe 15 hu a tling.

Karimganj district SP Padmanabh Baruah chuan ganja phurtu truck hi Tripura aṭanga rawn lut a ni tih sawiin, rubber bundle hnuaiah an thukru tih a sawi. Motor khalhtu hi a tlanchhe hman a ni.

Police-te hian thu an dawn bawhzuiin, National Highway-8 Assam-Tripura border, Churaibari check point-ah motor lutte an endik a, 12-wheeler truck pakhat, a driver-in a tlanchhiatsan aṭangin ganja tam tham tak hi an man a ni. Hei hi ṭum khata Assam police-ten ganja an man tam ber ṭum nia sawi a ni.