3F Oil Palm-in AP-ah factory din tum

Indai rama oil palm company lian, 3F Oil Palm chuan Arunachal Pradesh-ah Rs vbc 250 sengin oil palm factory leh refinery din a tum.

Factory dinna tur hian ram acre 120-a zau chu kumin February thla khan an nei tawh a, factory dinna tura phalna leh clearance-te pawh an nei tawh a ni. September 30 hian Lower Dibang Valley-a Roing-ah bul ṭanna turin, ground-breaking ceremony an nei dawn tih an sawi.

Facility siam hna hi thawh hnihin an kalpui dawn a, a thawh khatna chu nakkum September thla aṭangin hman theih tura peih fel an tum a, thawktu pawh mi 300 vel an chhawr thei dawn a ni.

Company chuan Arunchal Pradesh-ah oil palm development programme hi kalpui hmasak an tum tih an sawi a ni. AP-ah hian oil palm hi ram hectare 2,000 velah chin mek niin, loneitu 500 velin hma an la a ni. Kum nga chhungin kumtin hectare 5,000 vela zauah chin belh theih an tum bawk.