Meghalaya BJP hruaitu man nawn

Meghalaya BJP vice president Bernard Marak chu nimin khan police-ten an man nawn leh.

Tura chief judicial magistrate (CJM) chuan Meghalaya Chamber of Commerce-a a chetdan kaihhnawihah Bernard Marak man hi a phalsak a ni, a tan mekna Tura district jail aṭangin police-ten an man leh a, court-ah hruai a ni ang.

BJP hruiatu hi Thawhlehni zing khan thubuai eng emaw zat a neih mekah man niin, ni 14 chhung judicial custody-ah awm tura tih a ni. Judicial custody-a dah a nihna chhan hi West Garo Hills-a Tura khawpui daia a farmhouse aṭanga puakthei thil eng emaw zat kaihhnawihah a ni.

Marak hi a farmhouse-a nawrhchizawrhna hmun siama puhin thubuai siamsak a ni bawk a, he a thubuaia bail a dilna chu court-in a lo hnawlsak tawh bawk. Immoral Trafficking Act 1956, Protection of Children from Sexual Offences Act 2012 leh Explosives Substances Act 1908 hnuaiah thubuai a nei mek a ni.