Nagaland : CM-in NPF MLA 10-te disqualify turin speaker ngen

Nagaland Chief Minister T R Zeliang chuan Naga Peo­ple's Front (NPF) MLA 10-te disqualify an nih theih nan Assembly speaker Imtiwapang Aier hnenah kar kalta Zirtawpni khan petition a thehlut.

Petition-a tarlan dan chuan NPF MLA 10-te chu July 19-a Assembly emergency session-ah an tel lo a, party remtihna an la hmasa lo bawk. Hei hi tenth schedule paragraph 2(1)(b) bawhchhiatna nia sawiin TR Zeliang chuan heng mite lakah hian petition hi a thehlut a, disqualify turin speaker a ngen a ni. CM Zeliang chuan heng MLA-te hi emergency session-ah hian tel tura hriattir an nih thu a sawi a, mahse an tihhlawhtlin loh avangin an chunga dan anga hremna lek a ngai ta a ni, a ti.

TR Zeliang hi kumin July 19 khan chief minister atan lakluh a ni a, lakluh a nih ni vek hian emergency session hi neih a ni. Zeliang hi MLA 47-te'n an thlawp a, an zingah hian chief minister hlui Shurhozelie Liezietsu laka hel NPF MLA 36 an tel a, anni bak­ah hian BJP MLA pali leh Independent MLA pasarihte chuan an thlawp a ni. Zeliang hian July 21 khan floor test-ah a kaihhruai sorkar fiahna a paltlang a ni.

Zeliang-a'n disqualify tura a tih MLA 10 te chu - Kiyanilie Peseyie, Y Vikheho Swu, Chotisuh Sazo, Kuzholuzo Nienu, Yitachu, C L John, Thonwang Konyak, P Longon, R Tohanba leh Torechu-te an ni.