CAA case-ah Chidambaram-a'n Assam Congress puih a tum

Union minister hlui leh lawyer, P Chidambaram chuan Assam Pradesh Congress Committee (APCC)-in Supreme Court-a Citizenship (Amendment) Act (CAA) khinna thubuai an thehluhah puih a inhuam tih a sawi.

Party thupuangtu, Manjit Mahanta chuan Supreme Court-ah CAA duh lohna hi na zawka an nawr theihna turin Dehli-a law firm ṭha an be mek tih a sawi. "Kan party hruaitu hlui, lawyer ṭha tak leh union minister hlui P Chidambaram pawhin kan case thehluhah hian min puih a inhuam thu a sawi a ni," a ti.

Kum 2019 khan APCC hian CAA khinna hi Supreme Court-ah an thehlut a ni.

Mahanta chuan APCC president Bhupen Borah pawhin New Delhi-ah Assam additional advocate general hlui Krishna Sharma a hmuh tawh thu leh, party state unit-in Supreme Court-a case an thehluh chungchang hi a sawipui thu a tarlang.