Meghalaya : Harijan Colony aṭanga sawnchhuahte awmna tur ruahman

Meghalaya Urban Affairs Department chuan Them Iew Mawlong-a Sweepers Colony/Harijan Colony aṭanga chhungkaw 342 sawnchhuahte chu Shillong Municipal Board (SMB) quarters-ah awm turin a ti.

SMB quarters hi Bishop Cotton Road, Shillong-a SMB office bula awm a ni.

Urban affairs minister Sniawbhalang Dhar chuan Nilaini khan deputy chief minister Prestone Tynsong hnenah blueprint a thehlut.

Tynsong hi Harijan Colony aṭanga chhungkaw sawnchhuahte awmna tur ngaihtuah tura din, High-Level Committee (HLC)-a chairperson a ni.

Urban Affairs Department chuan quarters ṭhenkhat chu cheiṭhat a ngai tih a sawi. Tynsong chuan department report aṭangin, chhungkaw 342-te hi HLC quarters-ah hian an leng thei vek dawn niin a sawi bawk. Sorkar chuan Harijan Panchayat Committee (HPC) chu meeting neihpuiin, an awmna tura ruahman chungchangah hi a sawipui ang.

State sorkar hian a hmain Upper Mawprem-a TB Hospital ram chu an awmna tur hian ruahmanin, an len theihna tur in sak a tum a ni. Mahse veng chhung mite chuan an veng chu tawt tawh lutuk nia sawiin an duh lo a, hei vang hian an awmna tur hi a dang ruahman a ni ta a ni.