Meghalaya-ah 8% chauhin Covid vaccine precaution dose la

Meghalaya-a Covid-19 vaccine booster dose, precaution dose tih bawk la thei zingah 8% chauhin vaccine hi an la a, India ram state zinga precaution dose la chhe ber an ni.

Meghalaya dawtah Jharkhand, Nagaland, Punjab leh Haryana state-te chu precaution dose lak chhiatna state-te an ni.

Sorkar laipuiin India zalenna champha lawmna pualin, July 15 aṭang khan state leh UT tinah ni 75 chhung a thlawna precaution dose pekna tur hian special vaccination camp a kalpui ṭan a ni. Thawhlehni thleng khan precaution dose la hi ram pumah vaibelchhe 15.66 awmin, hei hi a la thei chin zinga hmun ngaa ṭhena hmun khat vel an ni.

Kum 18-59 inkar, mi vaibelchhe 77 zingah Covid-19 vaccine precaution dose la hi 12% an awm. Kum 60 chunglam, healthcare leh frontline worker ho zingah 35% in an la tawh bawk.

Official-te chuan India rama puitling, kum 18 leh a chunglam zingah Covid-19 vaccine dose khatna la hi 98% awmin, dose hnihna la hi 92% an awm tih an sawi.