Assam minister leh senior official-te tan 'Chintan Shivir' buatsaih dawn

Assam sorkar chuan minister leh senior official-te tan state mamawh hrang hrang leh hma lak dan tur sawihona tur special session, Chintan Shivir' huaihawt a tum.

Chief minister Himanta Biswa Sarma kaihhruaia state cabinet meeting neihah, ni thum awh special session neihah hian rel a ni.

'Chintan Shivar' hi Chief Minister kaihhruaiin September 24-26 chhung hian neih a ni dawn a, cabinet minister zawng zawng leh, sorkar department 57-a senior most secretary-te an tel ang. He hunah hian hnathawh khaihlak mekte sawiin, chak zawka hna thawh dan tur te an ruahman dawn a ni.

Cabinet meeting hian district 27-a Industrial Training Institutes (ITIs) 39-a workshop leh technical laboratory siam te, district 19-a polytechnic institute 22 dinte an rel bawk. A senso atan hian Rs vbc 207.22 an ruahman. Institute an din belh nen hian kumtin zirlai 20,000 velin technology tharte an zir thei dawn a, industry lama an state mamawh phuhrukna kawngah a ṭangkai dawn hle tih an sawi.

Kumina Assam sorkarin sorkar hnathawkte, an chhungte bula hun hmang tura Special Casual Leave a pek ang khan, nakkum February 9-11 chhung leave hi a pe leh dawn a ni. State sorkar hian sorkar hnathawkte hi kumthar thilpek atan an nu leh pate tlawh a, an bula hun an hman theihna turin special casual leave hi a siamsak a ni.