Nagaon leh Cachar Paper Mill-a thawk ten hlawh la lo rei

Assam sorkar chuan Nagaon leh Cachar paper mill-a hnathawk­te chu thla eng emaw zat chhung hlawh pek an nih tawh loh thu a tarlang.

Nagaon leh Cachar paper mill-te hi Central PSU Hindustan Paper Corp-in a enkawl a ni a, hnathawktute chu thla 10 vel hlawh pek an nih tawh lo tih Assam sorkar chuan Thawhlehni khan a sawi a ni. Hindustan Paper Corporation hi Central-a Heavy Industry Department hnuaia awm a ni. Hemi chungchang hi Minister of State for Heavy Industries and Public Enterprises Babul Supriyo chuan chhangin, Assam-a Cachar Paper Mill leh Nagaon Paper Mill-a hnathawk­tute hlawh hi pek thuai a nih theih nan hma lak a nih tur thu Lok Sabha inkhawmah a sawi. Minister chuan Cachar Paper Mill leh Nagaon Paper Mill aṭanga thilsiam chuah hi a tlak hniam avangin, a enkawltu Hindus­tan Paper Corporation chuan kum 2015 October - March 2017 chhung an khar thu a sawi.

Nagaon paper mill-a hna­thawktute chu thla riat chhung hlawh pek loh an ni a, Cachar Paper Mill-a thawktute pawn thla 10 hlawh an la tawh lo a ni. Hetih lai hian hnathawktu zingah hlawh lak theih loh avanga intihlum an awm anga tarlan chu finfiahna awm lo a nih thu, minister Babul Supriyo chuan a sawi. Hetih rual hian Hindustan Paper Corporation chuan Nagaon Paper Mill leh Cachar Paper Mill-te tuaithar leh tura ṭan lak nasat a mamawh thu a sawi bawk.