Assam-in sorkar hna ruak 12,000 hnawhkhat dawn

Assam sorkar chuan sorkara hna ruak 12,000 hnawhkhahna tur chu September 22-ah an tifel hman dawn tih chief minister Himanta Biswa Sarma chuan a sawi.

Department hrang hranga post 12,000-a thawk tur lakte hi Septmber 22-a function buatsaihah, appointment letter pek an ni dawn tih CM chuan a sawi a, an lo tiam tawh anga sorkar hna thawk tura mi nuai khat lakna tur a rang thei anga tihhlawhtlin tumin an bei zel dawn tih a sawi a ni.

Post 12,000 lak thar tur zingah hian Home Deparmtent-a constable leh sub-inspector post 5,200, Public Works Department (PWD)-a assistant engineer 256 an tel. Heng bakah hian Panchayat and Rural Development Department, Higher Education Department leh Health Department-ahte thawktu thar ṭhahnem tak lak an ni bawk ang.

Chief Minister chuan thawktu 12,000 an neih belh chuan sorkar hnathawh kawngah pawh a pui dawn hle a ni, a ti.

Kumin May thla khan Assam sorkar chuan sorkar hna ruak 30,000 a lo hnawhkhat tawh bawk a, thla ruk pawh tling lo chhungin sorkar hna thawk hi 42,000 a lak belh hman dawn a ni.