Meghalaya : BSF Shillong-Delhi motorcycle rally vailiam

Border Security Force (BSF) in India zalenna champha vawi 75-na lawmna puala Shillong-Delhi motorcycle rally an buatsaih chu Ningani khan Mawpat, Shillong-a BSF camp aṭangin DGP Lajja Ram Bishnoi chuan a vailiam.

Motorcycle rally hi September 16-ah New Delhi-ah an zo dawn a, state pasarih - Meghalaya, Assam, West Bengal, Bihar, Jharkhand, Uttar Pradesh leh Delhi an paltlang ang. Khawpui hrang hrang - Shillong, Guwahati, Dhubri, Siliguri, Malda, Krishanagar, Kolkata, Durgapur, Hazaribarg, Varanasi, Prayagraj, Kanpur, Agra leh Delhi-ten an tlan tlang dawn a ni.

Rally-ah hian motorcyclist 30 - BSF Janbaz (Men's Motor Cycle team) aṭangin 15, BSF Seema Bhavani (Women's Motor Cycle team) aṭangin 15 bakah, tualchhunga motorcyclist ṭhenkhat an tel bawk.

AP Governor-in AIME-a tel tur thlah
Arunachal Pradesh governor Brig (Retd) BD Mishra chuan Ningani khan All India Motorbike Expedition (AIME)-a an state aiawha tel tur, motorcyclist Nabam Rana chu thlahin a vailiam bawk.

IAME hi September 9-ah New Delhi aṭangin neih a ni dawn a, he hunah hian ram chhung hmun hrang hrang aṭangin biker-te an tel ang.

Sports Authority of India, Cultural Ministry of India, Fit India Movement, Art of Living leh an thawhpui dangte chuan India zalenna champha lawmna peng atang he expedition hi an buatsaih a, India ram state 28 leh Union Territory 8 paltlangin, km 21,000-a thui an tlan dawn a ni.